കമ്പ്യൂട്ടറുകള്‍ കുട്ടികളുടെ വായനാശീലം തകര്‍ക്കുന്നുവെന്ന്

                 ലണ്ടന്‍:  കുട്ടികള്‍ കമ്പ്യൂട്ടറിനു മുന്നില്‍ കൂടുതല്‍ സമയം ചെലവഴിക്കുന്നത് അവരുടെ വായനാശീലത്തെ പ്രതികൂലമായി ബാധിക്കുന്നുവെന്ന് വെളിപ്പെടുത്തല്‍.സ്വീഡനിലെ ഗോഥന്‍ബര്‍ഗ് സര്‍വകലാശാലയിലെ ഗവേഷകര്‍ കണ്ടെത്തിയ വിവരങ്ങള്‍ 'ഡെയ്‌ലിമെയ്ല്‍'ആണ് പ്രസിദ്ധീകരിച്ചത്. ഒമ്പതും പത്തും വയസ്സുള്ള കുട്ടികള്‍ വായനയില്‍ വളരെ പിന്നോട്ടാണെന്നാണ് ഈ റിപ്പോര്‍ട്ടിലുള്ളത്. വീട്ടിലെ കമ്പ്യൂട്ടറിന്റെ സാന്നിധ്യവും അമിതോപയോഗവുമാണ് വായനാശീലത്തിന് വിഘാതമായി നില്‍ക്കുന്നത്.  കമ്പ്യൂട്ടറുകള്‍ വ്യാപകമായ 90കള്‍ മുതല്‍ യു.എസിലെയും സ്വീഡനിലെയും കുട്ടികളുടെ വായനാശീലത്തില്‍ കാര്യമായ കുറവുണ്ടെന്നാണ് റിപ്പോര്‍ട്ടുകള്‍ സൂചിപ്പിക്കുന്നത്. കുട്ടികളുടെ ഒഴിവുസമയങ്ങള്‍ കൂടുതലും അപഹരിക്കുന്നത് കമ്പ്യൂട്ടറുകളാണെന്ന് പഠനം പറയുന്നു. പെണ്‍കുട്ടികളേക്കാള്‍ വായന കുറയുന്നത് ആണ്‍കുട്ടികളിലാണ്രെത.